نسیم شاہ تے میرے وچ رقابت ٹیم لئی فائدہ مند اے: شاہین آفریدی

لہور: شاہین آفریدی آکھیا اے نسیم شاہ تے اوہناں وچ رقابت ٹیم لئی فائدہ مند اے۔

پاکستان تے بنگلہ دیش وچکار آئی سی سی ورلڈ ٹیسٹ چیمپئن شپ دا پہلا میچ 7فروری توں پنڈی کرکٹ سٹیڈیم راولپنڈی وچ کھیڈیا جاوے گا، ایہ اوہی تھاں اے جتھے 19سالہ ٹیسٹ فاسٹ بولر شاہین شاہ آفریدی نے سری لنکا دے ڈیموتھ کرونا رتنے نوں پویلین دی راہ وکھائی سی، شاہین شاہ آفریدی دی ایہ وکٹ ہمیشہ منفرد رہوے گی کیوں جے 10ورھیاں بعد پاکستان وچ کھیڈے گئے ٹیسٹ میچ دے دوران کسے وی بولر ولوں حاصل کیتی ایہ پہلی وکٹ سی۔

شاہین شاہ آفریدی آکھیا نسیم شاہ تے اوہناں دے وچکار ودھ توں ودھ وکٹاں حاصل کرن لئی اک مثبت رقابت رہندی اے جو ٹیم تے بولرز دوواں دی کارکردگی وچ بہتری لیان لئی اہمیت دی حامل اے۔

نسیم شاہ نے جدوں دوجی اننگز وچ سری لنکا دے 5کھڈاریاں نوں پویلین دی راہ وکھائی تے فیر شاہین نے اوہناں دی حوصلہ افزائی کیتی سی۔