قوم دے اتحاد نال ہی ملک نوں مسائل توں کڈیا جا سکدا اے، نواز شریف تعمیر وترقی دے نویں سفرشروع کرن گے،شہباز شریف

تریخ تے ویلے نے گواہی دتی اے نواز شریف ،اونہاں ساتھیاں نے ایمانداری، خلوص و محنت نال ملک وقوم دی خدمت کیتی
لہور(پنجابی میڈیا گروپ)سابق وزیراعظم وپاکستان مسلم لیگ (ن)دے صدر محمد شہباز شریف نے آکھیا اے کہ نواز شریف تعمیر ترقی دے اک نویں سفر داآغاز کرن گے، تریخ تے ویلے نے گواہی دتی اے کہ نواز شریف تے اونہاں دے ساتھیاں نے ایمانداری، خلوص و محنت نال ملک وقوم دی خدمت کیتی۔ ایہہ گلاں اونہاں نے ملاقات کرن والے پارٹی رہنماواں نال گل بات کردیاں ہویاں کیتیاں ۔ شہباز شریف نال ملاقات کرن والیاں وچ رانا تنویر حسین، رانا مشہود ،علی خان، سردار اویس خان لغاری تے ہور رہنما شامل سن ۔ شہباز شریف نال رہنماواں نے قائد نواز شریف دی وطن واپسی بارے تبادلہ خیال کیتا۔ رہنماواں نے اپنے اپنے علاقیاں وچ قائد نواز شریف دے استقبال دیاں تیاریاں بارے وچ وی آگاہ کیتا۔