وزیر اعظم نے مہنگائی بارے اہم اجلاس سدھ لیا

اسلام آباد( پنجابی میڈیا گروپ) وزیر اعظم عمران خان نے ملک اندر ودھ دی ہوئی مہنگائی اُتے اہم اجلاس سدھ لیا ۔اجلاس اج شام4وجے وزیر اعظم ہاوس وچ ہوئے گا جس وچ سارے وزیر رلت کرن گے ، اجلاس وچ چینی دی قیمت ودھن بارے تے ہوراں شیواں دا وی جائزہ لیتا جائے گا ، وفاقی تے صوبائی وزیراں دے نمائندے وی ویڈیو لنک دے ذریعے رلت کرن گے ۔ملک وچ سبزی ، پھل ، دالاں تے ساریاں شیواں دی قیمت شدید ودھ چُکی اے تے وفاقی حکومت مہنگائی کنٹرول کرن اُتے ناکام نظر آرہی اے ۔ایس صورتحال وچ غریب تے طبقے دا گزارہ مشکل ہو گیا اے ، کھان پین دا سامان خریدن لئی نوبت گھر دے سامان ویچن تک آ چکی اے ۔