وزیراعظم نے دلیری دے نال کشمیر دا معاملہ پوری دُنیا وچ اُجاگر کیتا: شاہ محمود قریشی

اسلام آباد(پنجابی میڈیا گروپ) وزیر خارجہ شاہ محمودقریشی تے وزیر اطلاعات شبلی فراز نے آکھیااے کہ بھارت اصرار کردا اے کہ کشمیر ایہدا اندرونی معاملہ اے ،جے کشمیر بھارت دا اندرونی معاملہ اے تے ا سیں کیوں باہمی مذاکرات دی گل کرنے آں۔وزیراعظم عمران خان نے دلیری دے نال کشمیر دا معاملہ دنیا بھر وچ اجاگر کیتا۔ پریس کانفرنس دے نال خطاب کردیاں ہویاں وزیرخارجہ شاہ محمود قریشی نے آکھیا کہ بھارت ڈپلومیٹک کور نوں جموں و کشمیر جان تے عوام دے نال آزادانک ملن دی اجازت دیوے۔ اوہناں نے زور دتا کہ بھارت مسئلہ کشمیر نوں ات گردی دے نا لجوڑن دا پروپیگنڈا کردا اے۔ اوہناں نے مزیدآکھیا سانوں ویکھنا اے کہ کشمیر دا مسئلہ ایل او سی دے ایس پار اے یا کہ ایہہ کشمیریاں دی اپنی جدوجہد اے۔ شاہ محمود ہوراں نے مزیدآکھیا اے کہ پاکستان ہن بدل رہیا اے تے اسیں اک نئی سیاسی جماعت اک نئی سوچ دے نال آئے آں ماضی وچ اسیں جیو پولیٹیکل محل وقوع دی گل کرنے ساں۔ اج اسیں جیو ہولیٹیکل اکانومی دی گل کرنے آں۔دریں اثنا وزیر اطلاعات شبلی فراز نے پریس کانفرنس دے نال خطاب کردیاں ہویاں آکھیا اے کہ وزیر اعظم عمران خان نے دلیری دے نال کشمیر دا معاملہ دنیا بھر وچ اجاگر کیتا۔شبلی فرازہوراں نے آکھیا اقوام متحدہ سلامتی کونسل 5 اگست 2019 دے بعد تن واری کشمیر اتے بحث کر چکی اے۔ اوہناں نے آکھیا عالمی رہنمائواں نے مقبوضہ جموں وکشمیر وچ بھار ت دے غیر قانونی لاک ڈائون دی مذمت کیتی اے۔