مقبوضہ کشمیر وچ بھارتی مظالم جاری، قابض فوج نے 3نوجوان شہید، گھر تباہ کر دتا

سری نگر: مقبوضہ کشمیر وچ بھارت دے مظالم جاری نیں۔ ضلع شوپیاں وچ بھارتی فوج نے 3نوجواناں نوں شہید کر دتا۔ مقبوضہ وادی وچ کرفیو تے لاک ڈاؤن نوں اج 169دیہاڑ ہو گئے۔

مقبوضہ کشمیر دے ضلع شوپیاں وچ بھارت دی فوجی ات گردی، اک پنڈ نوں گھیرے وچ لے کے بھارتی فوج نے نوجواناں نوں شہید کیتا۔ بھارتی فوج نے آپریشن دے دوران بھاری اسلحہ تے کیمیکل گن پاؤڈر استعمال کیتا، غاصب فوج نے اک گھر نوں کیمیکل گن پاؤڈر نال تباہ کر دتا۔

بھارتی فوج علاقے وچ گشت کرکے خوف و ہراس وی پھیلاندی رہی۔ مقبوضہ وادی وچ زندگی اج وی قید اے، 169دناں توں دکاناں، کاروباری مراکز تے ٹرانسپورٹ بند اے، تعلیمی اداریاں تے تالے لگے نیں۔ مسلسل لاک ڈاؤن دی وجہ توں صورتحال انتہائی سنگین ہو چکی اے۔ مظالم دے باوجود حق خود ارادیت لئی پرعزم کشمیریاں نے بھارت دے خلاف مظاہرے کیتے۔