نون لیگ دے ناراض گروپ نے ہور پارٹی ارکاناں دی حمایت دا دعویٰ کر دتا

لہور:ناراض نون لیگی اراکانان نے وزیر اعلیٰ عثمان بزدار نال ملاقاتاں جاری رکھن دا فیصلہ کردیاں ہوئیاں ہور نون لیگی ارکاناں دی حمایت دا دعویٰ کیتا اے ۔ آکھیا گیا اے کہ ناراض لیگی ارکاناں دی وزیر اعلیٰ پنجاب نال قربتاں تے ملاقاتاں رنگ لیاون لگ پیاں ۔ ناراض لیگی ارکان مسلم لیگ نون وچ موجود ناراض ساتھیاں نوں اپنے گروپ اندر شامل کرن لئی حرکت وچ آ گئے ۔ناراض لیگی ارکان فی الحال پارٹی نال رابطہ رکھن تے وزیر اعلیٰ عثمان بزدار نال وی ملاقات جاری رکھن ، ناراض لیگی گروپ نوں پیپلز پارٹی دے اک رکن پنجاب اسمبلی دی پہلاں ہی حمایت حاصل اے ، واضح رہے کہ ناراض ارکان دا گروپ وزیر اعلیٰ پنجاب عثمان بزدار نال تین دفعہ ملاقات کر چکے نیں۔