روحی بانو دی میت پاکستان لیان لئی 2 توں 4 مہینے لگن گے

rohi bano

لہور: اداکارہ روحی بانو دے جسد خاکی نوں پاکستان لیان لئی ہور دو توں چار مہینے لگ سکدے نیں۔ معاملے تے ترکی وچ پاکستانی سفارتخانے دا آکھنا اے کہ روحی بانو دے اہلخانہ نال رابطے وچ نیں۔ روحی بانو دی بہن روبینہ نے دسیا کہ انقرہ وچ پاکستانی سفارت خانے نے 2 توں 4 مہینے دا ویلا مَنگ لیا اے۔

ترک حکام ولوں اجازت ملدے ای اوہناں دا جسد خاکی پاکستان منتقل کر دتا جاوے گا۔ اوہناں دا آکھنا سی کہ اوہ روحی بانو دی میت دی پاکستان منتقلی تیک ترکی وچ قیام کرن گئیاں۔میڈیا رپورٹس دے مطابق سارے اخراجات حکومت پاکستان چکے گی۔ ماضی دی صف اول دی اداکارہ روحی بانو پچھلے مہینے طویل علالت بعدوں ترکی وچ انتقال کر گئیاں سن، اوہ گردیاںدے مرض توں اَڈ نفسیاتی عوارض دا وی شکار سن۔ اداکار استنبول دے ہسپتال وچ 2 مہینے زیر علاج رہیاں، وفات دے ویلے اوہناں دی عمر67 ورھے سی۔

 

 

 

 

Add new comment

About text formats