سارے گوانڈھی ملک بھارت دی شیطانیاں دا شکار نیں: فواد چودھری

اسلام آباد(بھلیکھا ٹی وی )وفاقی وزیر فواد چودھری دا کہنا اے چین، بنگلہ دیش، نیپال، پاکستان سب مودی دے ہندوستان دی شیطانیاں توں متاثر نیں۔ بھارت وچ 11پاکستانی ہندوواں دے قتل دے خلاف پاکستان ہندو کونسل دے دھرنے نال خطاب کردیاں فواد چودھری دا کہنا سی جودھ پور وچ بالاں سنے 11معصوم پاکستانیاں دی پراسرر ہلاکت ہوئی، ایہ پاکستان دے بچے تے پاکستان دی عورتاں سی، اوہناں دے بھارت جان نال رشتہ ختم نہیں ہویا۔ فواد چودھریفواد چودھری آکھیا ہندوستان وچ جہڑی زیادتی ہوئی ایہدے تے بھارتی سرکار دا سلوک نامناسب اے، پاکستانی ہندوواں نوں مجبور کیتا جا رہیا سی کہ اوہ آر ایس ایس دا حصہ بنن، اوہناں دے انکار تے پاکستانی ہندوواں دا قتل کیتا گیا ۔ ہندو خاندان دی اک دھی نے دسیا کہ پاکستان دے خلاف بیان دین تے کم کرن تے مجبور کیتا گیا، عالمی برادری بھارتی سرکار دے مظالم دا نوٹس لوے تے پاکستان دے شہریاں دا ناحق خون جہڑا ہندوستان وچ ہویا، بھارت ایہدا جواب دیوے۔