نیول چیف ایڈمرل ظفر محمود عباسی دا کراچی وچ چینی بحری جہاز دا دور

کراچی: نیول چیف ایڈمرل ظفر محمود عباسی نے کراچی وچ چینی بحری جہاز دا دورہ کیتا جتھے اوہناں نوں گارڈ آ آنر پیش کیتا گیا۔

ترجمان پاک بحریہ دے مطابق سربراہ پاک بحریہ دی چینی ڈپٹی کمانڈر وائس ایڈمرل ڈانگ ژن نال ملاقات ہوئی جہدے دوران دوواں ملکاں دے باہمی تعلقات تے درپیش چیلنجاں نال رل کے نبڑن دے حوالے نال تبادلہ خیال کیتا گیا۔ نیول چیف ظفر محمود عباسی نے ایس موقع تے آکھیا باہمی مشق سی گارڈینز 2020پاک چین دیرینہ تعلقات تے باہمی اعتماد دی مظہر اے جو خطے دے امن و استحکام لئی دوواں ملکاں دے عزم نوں مضبوط بناوے گی، نیول چیف نے چینی بحریہ دے اہلکاراں دی پیشہ ورانہ صلاحیتاں دی تعریف وی کیتی۔