سندھ وچ کورونا دے 50نویں کیسز ساہمنے آ گئے، تعداد 94ہو گئی

کراچی: کورونا وائرس دے ہور 50مریض ساہمنے آ گئے جہدے بعد ملک وچ کورونا وائرس دے کیسز دی تعداد 94ہو گئی اے۔

سندھ حکومت دے ترجمان مرتضیٰ وہاب نے ٹوئٹ کردیاں دسیا کہ سندھ وچ ایران توں تفتان بارڈر توں سکھر آن والے 50بندیاں وچ کورونا وائرس دے ٹیسٹ مثبت آئے نیں جہدے بعد ملک وچ مجموعی کیساں دی تعداد 94ہ وگئی اے۔

مرتضیٰ وہاب دے مطابق سندھ وچ کورونا کیساں دے مجموعی تعداد 76ہو گئی جہناں وچوں 25دا تعلق کراچی، اک حیدر آباد توں جد کہ 50کیسز تفتان بارڈر توں آن والے بندیاں وچ رپورٹ ہوئے نیں۔

کورونا توں متاثر ہون والے 2بندے ہن تک صحت یاب ہو چکے نیں۔