نشتر میڈیکل یونیورسٹی ملتان دے وائس چانسلر کورونا پاروں وفات پا گئے

ملتان : نشتر میڈیکل یونیورسٹی دے وائس چانسلر ڈاکٹر مصطفی کمال پاشا کورونا پاروں اللہ نوں پیارے ہو گئے ، مصطفی کمال پاشا پچھلے 13دن توں وینٹی لیٹر اُتے سن ۔جنوبی پنجاب دی واحد میڈیکل یونیورسٹی دے وائس چانسلر ڈاکٹر مصطفی کمال پاشا نوں پچھلے مہینے کورونا وائرس دی تصدیق ہوئی سی ۔ جس توں بعد اوہناں نوں نجی ہسپتال منتقل کر دتا گیا ، لیکن اوہنا ں دی طبیعت دن بدن خراب ہوندی گئی جس دی وجہ نال او وینٹی لیٹر اُتے چلے گئے ۔ڈاکٹر مصطفی کمال پاشا دے پھیپھڑیاں نے کم کرنا چھڈ دتا جس دی وجہ نال اوہناں دی وفات ہوئی ۔ڈاکٹر مصطفی کمال پاشا معروف سرجن سن ، کورونا دے مریض ودھن نال اوہناںنے اپنے دفتر نوں چھڈ کے اپنی ڈیوٹی وارڈ وچ لوائی سی ، مصطفی کمال پاشا دی نماز جنازہ اج نشرمیدیکل یونیورسٹی دے ہاسٹلر گرائونڈ وچ ادا کیتی جائے گی۔