کوشش اے کہ ویکسین پہلاں فرنٹ لائن ورکراں نوں لگے: شاہ محمود قریشی

اسلام آباد( پنجابی میڈیا گروپ) وزیر خارجہ شاہ محمود قریشی داآکھنا اے کہ جہڑا زیادہ ضرورت مند اے ایس نوں پہلاں کورونا ویکسین دینی چاہیدی اے۔ میڈیا دے نال گل بات کردیاں ہویاں وزیرخارجہ شاہ محمود قریشی ہوراں نے آکھیا اے کہ چین نے پاکستان نوں کرونا ویکسین بطور تحفہ بھجوائی اے پر سانوں ویکسین مزید درکار اے۔ فروری دے آخر تیک کرونا دی گیارہ لکھ ڈوزدرکار ہون گیاں۔ امید اے کہ ویکسین دی مزید کھیپ جلد اپرے گی۔ اوہناں نے مزیدآکھیا اے کہ ساڈی کوشش اے کہ پہلاں فرنٹ لائن ورکرز نوں کرونا ویکسین دیئے۔ کرونا ویکسین دی ڈروز لئی رجسٹریشن دا آسان طریقہ کار لے آن دی کوشش کر رہے آں۔ شاہ محمود ہوراں نے مزیدآکھیا اے کہ وزارت صحت نوں ویکسین لئی دیانتدارانہ سسٹم بناناچاہیدا اے کیونکہ ساڈے معاشرے وچ لائن توڑن دی عادت اے ۔