چلدے چلدے

بلونت سانیپور

’’سُن سُن‘‘
سُن سُن سُن،سُن پیار دی دُھن
تون تون تون،سُن پیار دی دھن
موسم روپ بدلدا رہندا
رُتاں رنگ نکھاردا رہندا
اُپہاراں بھری پٹاری قدرت
کلیاں پُھلّ شنگارن روپ
ٹاہنی ٹاہنی پھلی پئی اے
پکن، پکّ جھاڑدے رُتّ نویاں دی آوے
اِک آوے اِک تُریا جاوے
چلو چلی ہے سمے دی چال
کیوں کویں کس گلّ دا جھورا ؟
کیوں کھڑا اے گُمّ سُم گُمّ ؟
سن سن سن،……
چھڈّ ایہہ تیر میر دا جھگڑا
کیہ مندا اے، کس دی ہے منسا ؟
کیوں کردا اے کس گلّ دا نخرہ ؟
زور ظلم کس شے تے قبضہ؟
مِٹی، مِٹی مِٹی دی مایا
پانی، رنگ ،روشنی کایا
سُن آدم دے پُتلے سُن
ایہہ جگ کھیل، تماشے سبھ رچنا
کیوں پرچھاویں پھڑدا سجناں؟
کیوں اُلجھن دے تانے رہیا بُن؟
سُن سُن سُن……