پاکستانی پنجابی سنیما دی سپرسٹار انجمن

انجمن نے اپنے فلمی کیریئر وچ بیشمار ہٹ گانے دتے ، انجمن توں بعد کوئی ہور اداکارہ ایہناں دی تھاں نہیں لے پائی

تحریر: انگریز سنگھ

انجمن پاکستانی پنجابی فلما دا اک ایسا چمکدا ستارہ ہن جینا نو پنجابی سنمے دی سب تو وڈی ہیروئن ہون دا اعجاز حاصل ہے – لگبھگ ویح سال پنجابی فلم انڈسٹری تے راج کرن والی اداکارہ انجمن نے بیشمار ہٹ فلماپنجابی سنمے دی جھولیپایی یاں ۔انجمن پکسیانی پنجابی فلما وچ اپنے بہترین ڈانس اتے ایکشن لیئی جانی جان والی اکلوتی اداکارہ وی ہن ۔بیشک انجمن نو فلم نگری شڈیاں بہت سال گزر گئے ہن پر آجوی اہنا نو چاہن والیاں دی گنتی لکھاں وچ ہے تے آجوی لوک اہنا دیاں فلماں اتے اہنا تے فلماے ملکہ ۓ ترنم میڈم نورجہاں دےگاے پنجابی گیتاں دے دیوانے ہن ۔

پنجابی سنے پریمیاں دی چہیتی اداکارہ انجمن وچ ایسے کے خاصیت سی جو لکھاں لوک اہناں دےدیوانے سن تے آج وی لکھاں لوک اہناں نو انا ہی پیار کردے ہن جینا کل کردے سن – دراصل انجمن اک ایسے اداکارہ ہن جینا دی اداکاری اتے ڈانس باکمال ہوندے سن –پنجاب دے روایتی لوک ناچاں تو لے کے کتھک بھارت ناٹیم تے ویسٹرنڈانس تک ہر طرح دے ڈانس نو اپنے خاص انداز وچ پیش کرن دی کلا ہی انجمن نو خاص بناوندی سی – نورجہاں دی آواز تے انجمن دے بہترین ہاو بھاؤ تے اورزا نال بھربھور ڈانس گیتاں نو الگ ہی مکام تے لے جانددے سن – انجمن نے اپنے فلمی کیریئر وچ بیشمار ہٹ گیت دتے – انجمن تو بعد کوئی ہور اداکارہ اہنا دی جگہ نہیں لے پایی –
پیدایش اور فلمی سفر دی شروعات
اداکارہ انجمن جینا دا اصل نام انجمن شاہین ہے دی پیدائش 24 جولائی 1955 وچ بہاولپور وچ ہویا پر بعد وچ انجمن دا سارا پریوار ملتان اء وسیع –ایتھےہی ایہنا دا پلان پوشاں ہویا – اک چوٹھی بھین اداکارہ گوری اتے پنج بھروا دی بھین انجمن نو بچپن تو ہی اداکاری دا شونک سی – بیشک انجمن دا سیدھے طور تے فلم انڈسٹری نال وابستہ نہیں سی پر مشہور فلمسٹار جوڑی محمد الی تے اہنا دی بیغم اداکارہ زیبا دا انجمن دے خاندان نال کریبی رشتہ سی -اس کرکے انجمن دا اداکار محمد علی دے گھر آنا جانا سی.- محمد الی دے گھر ہی مشور فلمساز تے ہدایتکار شباب کیرانوی جو اہنا دینا وچ آپنی اردو فلم وچ ہیروئن دے رو ل لیئی اک سوہنی سونکھی لڑکی دی تلاش وچ سی دی نظر انجمن تے پیئ تاں اہنا نو انجمن وچ اپنی فلم دی ہیروئن نظر آی – اداکار محمد علی تے زیبا دی حوصلہ افزیی اتے اپنے خاندان دی عزازات تو بعد انجمن نے شباب کیرانوی دی اردو فلم وادے کی زنزیر سائن کر لیئی – اس فلم وچ انجمن دے نال ہیرو دے روللیئی سپرسٹار وحید مراد نو کاسٹ کیتا گیا – 2 فروری 1979 نو ں ریلیز ہوئی وڈے فلمی ستاریاں محمدعلی،صبیحہ خانم، وحید مراد اتے ننھا دی اداکاری نال سجی اردو فلم وادے کی زنزیر سپرہٹ فلم ثابت ہوئی – اس فلم دی کامیابی نال انجمن دے فلمی کریئر دا شاندار آغاز ہویا –۔

فلماں وچ کامیابی
پہلی فلم وادے کی زنزیر دی کامیابی تو بعد انجمن نو بہت ساریاں فلماںدی پیشکش ہون لگی ۔ – 25 مئی 1979 نو انجمن دی دوسری اردو فلم دو راستے ریلیزہوئی ۔اس فلم دے ہدایت کار وی شباب کیرانوی ہی سن تے اس فلم وچ انجمن نو سپرسٹار ندیم ، شاہد تے ممتاز نال کم کرن دا موقع ملیا – اس فلم نو وی شائقین نے کافی پسند کیتا سی – اس فلم تو بعد انجمن دی تیسری اردو فلم آپسے کیا پردہ 7 دسمبر 1979 نو ں ریلیز ہوئی۔ہدایتکار ظفر شباب دی فلم تے سپرسٹار محمد علی، علی عزاز تے رنگیلا جہے بہترین اداکاراں نال سجی اس فلم نے گولڈن جبلے منائی۔ اس فلم تو بعد انجمن دی چوتھی فلم رشتہ وی سپرہٹ فلم ثابت ہوئی – ایہنا فلما دی کامیابی نال انجمن دا فلمی کرئیر اچائیاں ول جان لگا –۔

پہلی پنجابی فلم
جس دور وچ انجمن نے فلمی دنیاں وچ قدم رکھیااہ دور فلم انڈسٹری دا سنہری دور سی، – زیبا آرا، شبنم، بابرہ شریف، ممتاز، چکوری، نظما، تے آسیہ بیگم فلم انڈسٹری تے چھایاں ہویاں سن ۔اس وقت ایہنا دگز ہستیاں وچ اپنا خاص مقام بنوانا خاصا مشکل ترین کم سی پر یہ انجمن دی محنت، لگن تے اداکاری لیئی اہنا دا جنون ہی سی جس دی کرکے نہ صرف اہ فلم انڈسٹری وچ اپنے لیئی اک اوچا مقام حاصل کر سکی بلکے اہنا دا کم ہر انداز وچ منفرد وی نظر آیا ۔یہ اہ سما سی جد لاہور فلم انڈسٹری وچ پنجابی فلما دا بولبلا سی اردو فلماں نالوں اٹھے پنجابی فلما جیادہ بندیاں سن تے اس نو لوک پسند وی جیادہ کردے سن –فلماں وچ سلطان راہی تے آسیہ دی ہٹ جوڑی ریکارڈ توڑفلماں دے رہی سی ۔اس وقت انجمن نو پہلی پنجابی فلم سردار وچ اداکار یوسف خان اتے آسیہ نال معاون اداکارہ دے طور تے کاسٹ کیتا گیا .13 اگست 1980 نو عید الفطر تے ریلیزہوئی ہدایتکار اقبال کشمیری دی فلم سردار وچ انجمن نے اک انہی لڑکی دا بہترین رول ادا کیتا – ایہ فلم بیحد کامیاب ہویی ۔اس فلم وچ انجمن تے پکتریز مہناز دی آواز وچ ایہ گیت ،تیرا پیار عبادت میری ہے بیحد مکبول ہویا۔
ڈائمنڈ جبلے فلماں دی
سما اپنی چال نال چلدا جا رہا سی انجمن فلماں وچ کامیابی دیاں منزلہ نو اپنی محنت تے لگن نال ہولی ہولی سر کرن لگی ۔پنجابی فلماں لیئی انجمن اجے اک نوی اداکارہ سی تے فر انجمن دی زندگی وچ اک اہ دن آیا جس دا شاید انجمن نے وی تصور نہیں کیتا ہونا ۔2 اگست 1981 اتوار تے عید الفطر دا خاص دن جو پاکستان دی فلمی تاریخ دا سب تو سنہری دن ثابت ہویا ۔اس دن فلمی کاروبار اپنیاں بلندیاں تے سی اک ہی دن ریلیزہویاں فلماں نے کئی ناقابل یقین تے نا قابل شکست ریکارڈ قائم کیتے۔اس دن انجمن دیاں 5 فلماں ریلیزہ ہوئیاں،چن وریام، شیر خان، سالا صاحب , ملے گا ظلم دا بدلہ , تے چاچا بھتیجا – اکو دن ریلیز ہوئیاں ایہنا 5فلماں نے ریکارڈ طور کامیابی حاصل کیتی -فلم چن وریام، شیر خان تے سالا صاحب ایہنا 3 فلماں نے ڈائمنڈ زبلے منائی جو کہ اک ریکارڈ ہے جس نو ںاداکارہ انجمن نے قائم کیتا، اکو دن 5 فلماں دی کامیابی دا ریکارڈ جناں وچوں 3فلماں نے ڈائمنڈ زبلی منائی ۔اس ریکارڈ نو آجتک ہور کوئی وی فلم اداکارہ نہیں توڑ پایی ۔فلم چن وریام اتے شیر خان وچ انجمن دے نال سلطان راہی اتے فلم سالہ صاحب وچ الی عزاز ہیرو سن – ایہنا فلماں دی کامیابی نے انجمن نو شہرت دیاں بلندیاں تے پہنچا دتا– فلم شیر خان لیئی انجمن نو بیسٹ ایکٹریس دا پہلا نگار ایوارڈ حاصل ہویا ۔اپنے فلمی کیرئر وچ انجمن نے 7 بیسٹ ایکٹریس دے نگار ایوارڈ حاصل کیتے۔ –

کامیابی دا دور
پنج فلماں دی ریکارڈ توڑ کامیابی تو بعد انجمن پنجابی فلماں دیاں چوٹی دیاںاداکارا وچ شمار ہون لگی ۔پنجابی فلماں دی دوسری وڈی اداکارہ آسیہ بیگم نے شادی تو بعد فلم انڈسٹری نو صدا لیئی الوداع کہ دیتا۔ایسے سمے انجمن پنجابی فلماں دی سب تو وڈی اداکارہ بن کے ابھری ۔اک سما ایسا آیا کے سلطان رہی تے انجمن دی جوڑی تے نال ہی اداکار مصطفیٰ قریشی، موسیکار وجاہت اتری تے ملکہ ۓ ترنم میڈم نورجہاں دے گائےگیت پنجابی فلماں دی کامیابی دی گارنٹی سمجھے جان لگے ۔اپنے 20 سال دے فلمی کرئیر وچ انجمن نے اپنیاں فلماں وچ ہر طرح دے کردار ادا کیتے۔ اک بھولی بھالی اللڑ مٹیار تو لے کے ظلم دے ورودھ ہتھیار اٹھاون والیاں ایکشن نال بھربھور کردار سنے پردے تے نبھاؤن والی انجمن اکلوتی اداکارہ ہن ۔سن1981 تو لے کے 1995 تک انجمن نے پنجابی نو بیشمار ہٹ فلماں دیتیاں جینا وچ شیر میدان دا، وریام، جیدار، دو بیگہا زمین، لاوارث، رستم تے خان، دارا بلوچ، شعلے، دھی رانی، قسمت، عجب خان، جگا، قیمت، ملنگا، مہندی، الله رکھا، دلاری، روٹی، سپر گرل، کالکا، مجو بلا پیرے دا، میڈم رانی سرفہرست ہن۔
فلمی دنیا توں الوداعی
اپنے فلمی کرئیر وچ انجمن نے لگ بھگ 300تو جیادہ فلماں کیتیاں جس وچ اپنے سلطان راہی نال ریکارڈ 117 فلماں وچ اکھٹیاںکم کیتا سال 1995 وچ آئی فلم میڈم رانی انجمن تے سلطان راہی دی جوڑی دی آخری فلم ثابت ہوئی ، – 9 جنوری 1996 نو سلطان راہی صاب دی کجھ نامعلوم لوکاںنے ہتیاکر دتی -پنجابی فلم انڈسٹری نو نہ پورا ہون والا گھاٹا پیا ۔سلطان راہی دے جان تو بعد فلماں بن نیا لگ بھگ بند ہو ئیاں -انجمن نے وی فلماں تو کنارہ کر لیا ۔سال 1998 وچ ھدایتکارسید نور دی ہٹ فلم چوڑیاں نال دوبارہ فلماں پنجابی فلماں بنیاں شروع ہویاں -سال 1999 وچ انجمن نے دوبارہ فلماں وچ واپسی کیتی فلم چوہدرانی نال جو کے ہٹ فلم ثابت ہوئی۔سال 2000 وچ انجمن نے 4فلماں کیتیاں اہ سن جگ ماہی، پینگھا، جٹی دا ویر تے اک دھی پنجاب دی ۔ایہنا فلماں تو بعد انجمن نے فلماں کرنیاں صدا لیئی بند کر دیتیں تے فلم انڈسٹری نو آلودع آکھ دیتا۔ –
شادی شدہ زندگی
سال 1987 وچ اپنے کرئیر دے شیکھر تے پہنچ کے انجمن نے انکم ٹیکس کمشنر ملک نال شادی کر لیئی تے ایہنا دے گھر تین بچیاں نے جنم لیا دو بیٹے عدنان تے ایشآں اتے اک بیٹی جیشان ۔فلم انڈسٹری چھڈ ن تو بعد انجمن اپنے شوہر تے بچیاں نال لندن جا وسے ۔اوتھے کجھ سال رہن تو بعد واپس لاہور آ گئے -سال 2013 وچ انجمن دے شوہر دا کسے نے قتل کر دیتا -انجمن لیئی ایہ گھٹنہ بیحد دخدیائی سی جو ناقا بل برداشت سی۔ انجمن دے بچے شادی تو بعد لوندیں شفٹ ہو گئے -بچیاں دی شادی تو بعد انجمن خود نو تنہا محسوس کردیاں انجمن نے لاہور دے فلمی کاروباری وسیم علی المعر وف لکی علی نال دوسری شادی کر لیئی پر بدقسمتی نال ایہ رشتہ زیادہ دیر نہ چل سکیا تے پچھلے سال 15 اپریل 2020 نو انجمن نے اپنے طلاق ہو جان دی گل پاک میڈیا نال سانجھی کیتی ۔انجمن لیئی ایہ علیحدگی بیحد دکھی سی پر جلد ای اوہ ایس دکھ تو باہر آ گئ ۔اسیں خدا اگے دعا کردے ہاں کے اہ پنجابی فلماں دی مہان اداکارہ انجمن نو صدا خوش تے آباد رکھے –۔