پی آئی سی وچ ایمرجنسی دے بعد آؤٹ ڈور تے ان ڈور سروسز وی بحال

لہور: پنجاب انسٹی ٹیوٹ آف کارڈیالوجی وچ حالات معمول تے آن لگے، ایمرجنسی دے بعد آؤٹ ڈور تے ان ڈور سروسز وی بحال ہو گئی، جتھے مریضاں دا علاج معالجہ جاری اے، پی آئی سی دی ایمرجنسی وچ رینجرز تے او پی ڈی وچ پلس تعینات اے۔

دل دا ہسپتال 6دناں بعد مکمل فعال ہو گیا، دو دن پہلاں ایمرجنسی سروسز بحال کیتی گئیاں تے ہن پی آئی سی دی او پی ڈی تے ان ڈور وی مریضاں لئی کھول دتا گیا۔

پی آئی سی وچ علاج معالجہ شروع ہون تے دل دے مریضاں نے وی سکھ دا ساہ لیا۔ پی آئی سی وچ سکیورٹی دے سخت انتظامات کیتے گئے نیں، رینجرز تے پلس دے دستے سکیورٹی فرائض انجام دے رہے نیں۔

ڈاکٹراں دا کہنا اے مریضاں دی سہولت لئی ہسپتال کھول دتا پر مکمل انصاف دی فراہمی تک اک گھنٹے دا علامتی احتجاج جاری رہوے گا۔