پی آئی سی واقعہ، فرانزک رپورٹ وچ 7وکیلاں نوں کلیئر قرار دے دتا گیا

لہور: پنجاب انسٹی ٹیوٹ آف کارڈیالوجی واقعہ دے بعد گرفتار 7وکیلاں نوں فرانزک رپورٹ وچ کلیئر قرار دے دتا گیا اے۔

ایہ رپورٹ پنجاب فرانزک سائنس ایجنسی ولوں تیارکیتی گئی اے۔ تفصیلات دے مطابق پنجاب پلس ولوں پھڑے گ ئے 7وکیلاں دی فرانزک رپورٹ تیار کر لئی گئی اے جہدے وچ ایہناں نوں کلیئر قرار دیندیاں آکھیا گیا اے ایہناں دا پی آئی سی واقعے نال کوئی تعلق ای نہیں اے۔

پنجاب فرانزک سائنس ایجنسی ولوں تیار کیتی گئی رپورٹ وچ آکھیا گیا اے پلس ایہناں وکیلاں نوں گرفتار کرے جہڑے واقعے وچ ملوث نیں۔ ایہناں 7وکیلاں جہناں دی شناخت پریڈ کیتی گئی، اوہناں نے ہسپتال دے اندر کوئی اقدام کیتا تے نہ ای اوہ پی آئی سی دے اندر گئے سن۔