ہسپتالاں وچ جاری ترقیاتی منصوبیاں دے معیار تے کوئی سمجھوتہ نہیں کیتا جاوے گا: یاسمین راشد

سرگودھا: صوبائی وزیر صحت پنجاب ڈاکٹر یاسمین راشد آکھیا اے صوبے بھر وچ ہسپتالاں وچ جاری ترقیاتی منصوبیاں دے معیار تے شفافیت تے کوئی سمجھوتہ نہیں کیتا جاوے گا۔

وزیر صحت پنجاب ڈاکٹر یاسمین راشد دی صدارت وچ سرگودھا میڈیکل ٹیچنگ ہسپتال وچ اجلاس ہویا جتھے اوہناں نوں ہسپتالاں وچ جاری ترقیاتی منصوبیاں تے پیشرفت توں آگاہ کیتا گیا۔

ڈاکٹر یاسمین راشد نے جاری ترقیاتی منصوبیاں نوں مقررہ ویلے تے مکمل کرن دی ہدایت کردیاں آکھیا سرکاری ہسپتالاں نوں اپ گریڈ کرکے مریضاں لئی ہور آسانیاں پیدا کیتیاں جان گیاں۔

پسماندہ علاقیاں وچ صحت دی سہولتاں نوں چنگے توں چنگا بنانا اے۔