وزیراعظم دی صدارت وچ پبلک سیکٹر ڈویلپمنٹ پروگرام دی پیشرفت دا جائزہ اجلاس

اسلام آباد: وزیراعظم دی زیر صدارت پبلک سیکٹر ڈویلپمنٹ پروگرام دی پیشرفت دا جائزہ اجلاس ہویا جہدے وچ ترقیاتی منصوبیاں تے وکھو وکھ وزارتاں دی کارکردگی رپورٹ عمران خان نوں پیش کیتی گئی۔ وزیراعظم دی زیر صدارت اجلاس وچ اسد عمر، خسرو بختیار سنے دوجے شریک ہوئے جہدے وچ بریفنگ دیندیاں آکھیا گیا ایس مالی ورھے 380نویاں سکیماں دا اجرا کیتا گیا۔

ایس موقع تے عمران خان دا کہنا سی کوئی منصوبہ فنڈز دی کمی یاں تاخیر دی وجہ توں التوا دا شکار نہ ہووے، مشکل حالات دے باوجود معاشی استحکام دی بھرپور کوشش اے۔ عمران خان دا کہنا سی ساڈا ویژن ملک نوں پائیدار معاشی ترقی دی راہ تے گامزن کرنا اے، منصوبیاں تے ویلے سر عمل نال نوکریاں دے مواقع پیدا ہون گے۔