کسے پارٹی چیئرمین دے نازیبا الفاظ یاں دھمکی قنونی عمل توں نہیں روک سکدے: نیب

اسلام آباد: نیب دا کہنا اے ملک دی اک سیاسی جماعت دے چیئرمین ولوں نازیبا الفاظ دا استعمال تے دھمکی سانوں قنونی عمل توں نہیں روک سکدی۔ قومی احتساب بیورو (نیب) دے ترجمان نے چیئرمین پیپلزپارٹی بلاول بھٹو زرداری دے نیب وچ پیش نہ ہون دیاں رپورٹاں نوں بلاول بھٹو دے نیب راولپنڈی نوں لکھے گئے خط دے برعکس قرار دیندیاں بیان جاری کیتا اے کہ بلاول بھٹو زرداری نے اپنے وکیل دے ذریعے لکھے گئے خط وچ درخواست کیتی اے کہ ایہناں نوں 15جنوری 2020دے بعد نیب راولپنڈی انوسٹی گیشن ٹیم دے ساہمنے پیش ہون تے کوئی اعتراض نہیں۔ ترجمان نیب دا کہنا اے بعض میڈیا رپورٹاں وچ آکھیا گیا بلاول بھٹو زرداری نیب دے ساہمنے پیش نہیں ہون گے جو کہ ایہناں ولوں نیب نوں کرائی گئی یقین دہانی دے برخلاف اے، پاکستان دی اک پارٹی دے چیئرمین ولوں نیب بارے نازیبا الفاظ دا استعمال یاں دھمکی نیب نوں ایہدے قنونی عمل توں نہیں روک سکدی۔