لہور ہائی کورٹ، نیب نوں جاوید لطیف دے وارنٹ جاری کرن توں پہلاں آگاہ کرن دا حکم

لہور: ہائی کورٹ نے نیب نوں لیگی رہنما میاں جاوید لطیف دے وارنٹ گرفتاری جاری کرن توں پہلاں اوہناں نوں آگاہ کرن دا حکم دے دتا۔ لہور ہائی کورٹ وچ لیگی رکن قومی اسمبلی میاں جاوید لطیف دی درخواست تے جسٹس طارق عباسی دی سربراہی وچ 2رکنی بنچ نے سماعت کیتی۔

درخواست گزار دے وکیل نے موقف اختیار کیتا نیب نے جائیداد دی تفصیلات منگیاں نیں، جد کہ ایہناں الزامات وچ محکمہ اینٹی کرپشن اپنی تحقیقات بند کر چکیا اے، لیگی رہنما ہون دی وجہ توں انتقامی کاروائی دا نشانہ بنایا جا رہیا اے، نیب ولوں گرفتاری دا خدشہ وی اے۔ عدالت نے نیب نوں وارنٹ گرفتاری جاری کرن توں پہلاں اوہناں نوں آگاہ کرن دا حکم دے دتا۔