پنجاب میڈیکل کالج نے طلبا و طالبات دے جینز پان تے پابندی لا دتی

فیصل آباد: پنجاب میڈیکل کالج نے طلباء و طالبات دے جینز پان تے پابندی لاکے یونیفارم لازم کرن دا نوٹیفکیشن جاری کر دتا۔ پنجاب میڈیکل کالج ولوں جاری کیتے گئے نوٹیفکیشن دے مطابق طالبات چٹی شلوار قمیض، عنابی رنگ دا دوپٹہ تے کالی جتی پان گیاں۔

جد کہ طلباء چٹی شرٹ، سلور گرے پینٹ یاں چٹی شلوار قمیض پان گے۔ نوٹیفکیشن وچ ساریاں کلاساں دے سٹوڈنٹس لئی یونیفارم لاگو کردیاں آکھیا گیا اے کالج وچ جینز، جوگرز، ٹی شرٹ تے سکرٹ پانا سختی نال منع اے۔ سارے طلبا 3فروری توں یونیفارم پان گے۔