بھارت اپنی ہٹ دھرمی توں باز آ جاوے نہیں تے؟

لکھت: پروفیسر حکیم سید عمران فیاض

بھارتی غاصباں دی ودھدی ہوئی درندگی و در انازی نے وادی کشمیر جنت نظیر دے عوام دی زندگی اجیرن کر رکھی اے۔ بھارتی فوج دے اہلکاراں و افسراں جو کہ اوہناں تے ہر دیہاڑے اپنے ظم و ستم نوں ودھاندے جا رہے نیں۔پچھلے ورھے اگست 2019دے بعد بھارتی فوجاں دے بدترین مظالم دے باوجود کشمیری عوام دے جذبہ حریت نوں دبان وچ مکمل طور تے نکام ہو چکی اے۔ ایس ویلے مقبوضہ کشمیر وچ کشمیری عوام نوں ہر طرح دی نسل کشی دا ساہمنا کرنا پے رہیا اے۔ بھارتی غاصباںدا مکروہ چہرہ ایس ویلے پوری دنیا دے ساہمنے بے نقاب ہو چکیا اے۔ ہن ویلا آ گیا اے کہ بھارت نوں اپنی ہٹ دھرمی و فسطائیت نوں اک پاسے رکھ کے کشمیریاں دے حق خود ارادیت نوں تسلیم کرنا ہووے گا۔ دنیا بھر دے مسلمان کشمیریاں تے ہون والے دلدوز و اندوہناک مظالم توں پوری طرح آگاہ نیں۔ مملکت خداداد پاکستان وچ 5فروری نوں مقبوضہ کشمیر دے ظلم و جبر و بربریت دا شکار مظلوم عوام نال اظہار یکجہتی دا اظہار کردیاں ہوئیاں ایس دیہاڑ نوں منایا جاندا اے۔ ایس یہاڑ بھارتی قوم دے مظالم نوں دنیا دے ساہمنے واشگاف لفظاں وچ بیان کیتا جاندا اے۔ پورے دیس وچ سرکاری و غیر سرکاری سطح تے جلسے، جلوس، ریلیاں، سیمینارز، ٹاک شوز دا انعقاد کیتا جاندا اے۔ الیکٹرانک و پرنٹ میڈیا تے بھارتی درندگی دی اصل تصویر عوام نوں وکھائی جاندی اے تے دنیا نوں ایہ پیغام دتا جاندا اے کہ بھارت اک ظالم، قاتل تے انسانیت دا دشمن ملک اے۔ بھارت نام نہاد جمہوریت دے لبادے وچ کشمیریاں دی نسل کشی تے دنیا نوں دھوکا دے رہیا اے۔ کشمیریاں دے جمہوری حقوق نوں پا مال کر دتا اے۔کشمیر جنت نظیر برصغیر پاک و ہند دا شمال مغربی علاقہ اے۔ تریخی طور تے کشمیر اوہ وادی اے جہڑی ہمالیہ تے پیر پنجال دے پہاڑی سلسلیاں وچکار واقع اے۔ اج کل کشمیر کافی وڈے علاقے نوں سمجھیا جاندا اے جہدے وچ وادی کشمیر، جموں تے لداخ وی شامل اے۔ پاکستانی کشمیر دے علاقے پونچھ، جموں دے علاوہ گلگت تے بلتستان دے علاقے شامل نیں۔ 1846توں پہلاں ایہ آزاد ریاستاں سن۔ پاکستان بنن ویلے ایہ علاقے کشمیر وچ شامل سن۔ وادی کشمیر پہاڑاں داے دامن وچ کئی دریاواں نال زرخیز ہون والی سرزمین اے۔ ایہ اپنے قدرتی حسن دی وجہ توں زمین تے جنت تصور کیتی جاندی اے۔ ایہ امر قابل ذکر اے کہ ایس ویلے خطہ تنازعات دی وجہ توں تن ملکاں وچ تقسیم اے جہدے وچ پاکستان شمال مغربی علاقے (شمالی علاقہ جات تے آزاد کشمیر)، بھارت وسطی تے مغربی علاقے (جموں و کشمیر تے لداخ) تے چین شمال مشرقی علاقیاں (سکائی چن تے بالائے قراقرم علاقہ) دا انتظام سنبھالے ہوئے اے۔ بھارت سیاچن گلیشیر سنے سارے اُچے پہاڑاں تے جد کہ پاکستان نسبتاً گھٹ اُچے پہاڑاں تے قابض نیں۔ بھارتی غاصباں دے زیر قبضہ مقبوضہ علاقہ جموں و کشمیر دے دارالحکومت سری نگر دی خوبصورت ڈل جھیل کشمیر پاکستان تے بھارت وچکار تنازعے دی اہم ترین وجہ اے تے ایس تنازعے دا واحد حل اقوام متحدہ دی قرارداداں دے تناظر وچ کشمیری عوام دے حق خود ارادیت نوں تسلیم کرنا اے۔ پاکستان تے بھارت دوویں جوہری طاقتاں نیں جو کشمیر دی آزادی تے خود مختاری نوں بامسئلہ کشمیر دنیا دے خطرناک ترین علاقائی تنازعات وچوں اک شمار کردے نیں۔ دوویں ملک کشمیر تے تن جنگاں لڑ چکے نیں جہناں وچ 1947دی جنگ، 1965دی جنگ تے 1999دی کارگل جنگ شامل نیں۔ 1971 دی جنگ بنگال دی وجہ توں ہوئی سی۔ 16 مارچ 1846انگریز نے 75لکھ دے بدلے کشمیر گلاب سنگھ ڈوگرہ نوں ویچیا۔ امرتسر معاہدہ فیر اوہدا پتر زنبیر سنگھ جانشین بنیا فیر پرتاب سنگھ جانشین بنیا، افیون دا نشہ کردا سی۔ کرکٹ کھیڈن دا شوقین سی، بے اولاد سی۔ فیر امرسنگھ دا پتر ہر سنگھ سازش نال جانشین بنیا۔ ہر سنگھ 1925 وچ گدی نشین بنیا جہنوں قادیانی حمایت حاصل سی۔ مسلماناں تے ظلم و استبداد شروع ہویا۔ 1929وچ شیخ عبداللہ نے ریڈنگ روم تنظیم تے اے آر ساغر نے ینگ مینز مسلم ایسوسی ایشن بنائی۔14اگست 1931 پہلی واری کشمیر ڈے منایا گیا۔ اکتوبر 1931وچ علامہ اقبال دی سرپرستی وچ مسلمان وفد مہاراجہ ہری سنگھ تے اوہدے وزیراعظم ہری کرشن کول نال مذاکرات لئی ملے۔ مذاکرات نکام ہوئے۔ سیالکوٹ توں کشمیر چلو کشمیر چلو تحریک چلی۔ انج تحریک آزادی باقاعدہ 1931وچ شروع ہوئی۔ مسلماناں دا دوجا مجاہد دستہ جہلم توں میرپور ول روانہ ہویا۔ تیجا دستہ راولپنڈی دے 30نوجواناں تے مشتمل سی جہڑے قرآن تے قسم چک کے نکلے کہ کوہالہ پل بند کرکے رہواں گے، فیر ایس جنگ دی صورتحال نال نبڑن لئی نومبر 1931وچ سربی جے گلینسی دی صدارت وچ کمیشن بنیا۔ 1933وچ سری نگر پتھر مسجد وچ جموں کشمیر مسلم کانفرنس دی بنیاد رکھی گئی۔ شیخ عبداللہ ایہدے صدر تے چوہدری غلام عباس ایہدے جنرل سیکرٹری بنے۔ اوس ویلے خطہ کشمیر دے سب توں ودھ حصے یعنی 101، 387مربع کلومیٹر تے جد کہ 85،846 تے چین 37،555 مربع کلومیٹر تے قابض نیں۔یادرہوے کہ آزاد کشمیرداا 13،350 مربع کلومیٹر 5134 (مربع میل) تے پھیلیا ہویا اے جد کہ شمالی علاقہ جات دا رقبہ 72،496 مربع کلومیٹر 27،991 (مربع میل) اے جو گلگت تے بلتستان تے مشتمل اے ۔ تقسیم ہند توں پہلاں بلتستان صوبہ لداخ دا حصہ سی تے اوہدا دار الحکومت اسکردو لداخ دا سرمائی دار الحکومت سی۔بھارت نے عالمی معاہدیاں دی خلاف ورزیاں کرکے طاقت دے بل بوتے تے کشمیر تے غاصبانہ قبضہ کر رکھیا اے جد کہ کشمیری بھارتی تسلط نوں تسلیم کرن لئی تیار نہیں تے ایہناں مشکل تے سنگین تر حالات وچ وی استقامت دا مظاہرہ کر رہے نیں۔ ایتھے ایہ امر قابل ذکر اے کہ وزیراعظم پاکستان عمران خان دی جنرل اسمبلی وچ تقریر نے کشمیریاں دی 70ورھیاں توں جاری تحریک آزادی وچ اک نویں روح پھونک دتی اے تے دوجے پاسے یورپی پارلیمنٹ وچ بھارتی شہریت قنون و کشمیریاں تے مظالم دے خلاف گورنر پنجاب چودھری سرور ولوں 751اراکین نوں اک قرارداد دی شکل وچ خط لکھیا جہدے وچ مقبوضہ کشمیر وچ بھارتی در اندازی، بربریت، انسانیت سوز مظالم تے فسطائیت نال بھرپور کارروائیاں بارے آگاہ کیتا گیا۔ ایہ وی اک تلخ حقیقت اے کہ بھارتی غاصباں دی کنٹرول لائن تے ودھدی ہوئی دراندازی دا جہڑے طریقے نال ساڈی فوجاں نے منہ توڑ جواب دتا تے جہڑے اُچے حوصلہ تے اعلیٰ ظرفی دا مظاہرہ کیتا اوہ واقعی قابل تحسین امر اے۔ مقبوضہ کشمیر دے عوام تے بھارتی مظالم و بربریت دی اجہی داستاں تاریخ دے اوراق وچ رقم ہون گیاں کہ جہناں نوں جدوں ساڈی آن والی نسلاں پڑھن گیاں تے یقینا اوہناں دا دل خون دے اتھرو روے گا۔ ہن ویلا آ گیا اے کہ بھارتی جارحیت دا منہ توڑ جواب دتا جاوے۔ انشاء اللہ ہن جے جنگ ہووے گی تے اوہ ایٹمی جنگ ہووے گی تے ساڈی جوہری طاقت بھارت نوں صفحہ ہستی توں مٹا دیوے گی۔دوجے پاسے پاکستانی دفتر خارجہ دے ترجمان نے بھارتی وزیراعظم نریندر مودی دے پرتشدد بیانات نوں رد کردیاں ہوئیاں آکھیا اے کہ کوئی وی پاکستانی عوام دے عزم تے پاک فوج دی صلاحیتاں بارے کسے غلط فہمی وچ نہ رہوے۔ پاکستان نریندر مودی دے غیر ذمہ دارانہ تے جنگی تاثرات دین والے بیان نوں یکسر رد کردا اے۔ بھارتی وزیراعظم دا بیان پاکستان مخالف حکمت عملی دا حصہ اے۔ بھارتی وزیراعظم دی دھمکیاں تے اشتعال انگیز بیانات نے انتہا پسندانہ ذہنیت نوں ہور واضح کیتا اے۔ بی جے پی قیادت نے بھارت وچ ریاستی اداریاں نوں بظاہر خوف وچ مبتلا کر دتا اے تے ایس طرح دے بیانات بھارت دے پاکستان بارے ناقابل برداشت جنون دی عکاسی کردے نیں تے بھارتی جارحانہ بیانات علاقائی امن و سلامتی لئی خطرہ نیں۔ عالمی برادری بھارتی قیادت ولوں جاری متنازعہ بیانات تے جارحانہ بیانات دا نوٹس لوے۔ آس کرنے آں کہ جموں و کشمیر تنازع دے پرامن حل لئی اقدامات کیتے جان گےبھارتی وزیراعظم دی دھمکیاں تے اشتعال انگیز بیانات نے انتہا پسندانہ ذہنیت نوں ہور واضح کیتا اے۔ بی جے پی قیادت نے بھارت وچ ریاستی اداریاں نوں بظاہر خوف وچ مبتلا کر دتا اے تے ایس طرح دے بیانات بھارت دے پاکستان بارے ناقابل برداشت جنون دی عکاسی کردے نیں تے بھارتی جارحانہ بیانات علاقائی امن و سلامتی لئی خطرہ نیں۔ عالمی برادری بھارتی قیادت ولوں جاری متنازعہ بیانات تے جارحانہ بیانات دا نوٹس لوے۔ آس کرنے آں کہ جموں و کشمیر تنازع دے پرامن حل لئی اقدامات کیتے جان گے۔