جعلی اکاؤنٹس کیس: اومنی گروپ دے عبدالغنی مجید دی طبی بنیاداں تے ضمانت منظور

اسلام آباد: اسلام آباد ہائی کورٹ نے اومنی گروپ دے عبدالغنی مجید نوں دس کروڑ دے مچلکے جمع کران دا حکم دیندیاں اوہناں دی ضمانت منظور کر لئی اے۔

اسلام آباد ہائی کورٹ نے عبدالغنی مجید دی ضمانت طبی بنیاداں تے منظور کیتی اے۔ اوہ اسلام آباد دے ہسپتال وچ زیر علاج رہن گے پر ہر پیشی تے عدالت پیش ہون گے۔

ایہ فیصلہ اسلام آباد ہائیکورٹ دے جسٹس میاں گل حسن اورنگزیب تے جسٹس فیاض احمد انجم جندران نے سنایا۔ خیال رہوے عبدالغنی مجید اڈیالہ جیل وچ قید نیں۔