سابق وزیراعظم میاں نوازشریف دا ناں ای سی ایل توں کڈھ دتا گیا

اسلام آباد: مسلم لیگ ن دے تاحیات قائد تے سابق وزیراعظم میاں نوازشریف دا ناں ایگزٹ کنٹرول لسٹ توں کڈھ دتا گیا۔ وزارت داخلہ دے میمورنڈم دے مطابق لہور ہائی کورٹ دا فیصلہ موصول ہویا، شہباز شریف دا بیان حلفی وی میمورنڈم دا حصہ اے۔ میاں نوازشریف نوں اک واری ملک توں باہر جان دی اجازت دے دتی۔ وسیلیاں دے مطابق نوازشریف منگل نوں لندن روانہ ہون گے جتھے پہلاں توں ای ساریاں تیاریاں مکمل کر لئیاں نیں۔ وسیلیاں دے مطابق قطر ایئر ایمبولینس نوں حکومتی کلیرنس مل گئی، ایئر ایمبولینس صبح 8وجے لہور ایئر پورٹ اپڑے گی، میاں نوازشریف کارواں دی صورت وچ ایئر پورٹ اپڑن گے۔