آئی جی سندھ تے صوبائی حکومت دے خطوط الیکشن کمیشن نوں موصول، اک دوجے تے الزامات

اسلام آباد: صوبہ سندھ دے حلقہ پی ایس باون عمر کوٹ وچ ضمنی انتخابات دے پیش نظر آئی جی سندھ تے صوبائی حکومت دے خطوط الیکشن کمیشن نوں موصول ہو گئے نیں۔ دوواں خطوط وچ اک دوجے تے الزامات لاگو کیتے گئے نیں۔

آئی جی سندھ کلیم امام نے اپنے خط وچ آکھیا اے ایس پی عمر کوٹ انتخابات تے اثر انداز ہو رہے نیں۔ الیکشن شیڈول جاری ہو چکیا اے، ایہناں حالات وچ ایس پی عمر کوٹ دے راہیں انتخابی عمل نوں متاثر کیتا جا رہیا اے، الیکشن کمیشن ایہناں نوں ہٹائے۔

دوجے پاسے سندھ حکومت نے اپنے خط وچ آکھیا اے آئی جی سندھ دے الزامات جھوٹے تے بے بنیاد نیں۔ الیکشن کمیشن معاملے دی انکوائری کرے تے آئی جی سندھ نوں ہٹائے۔ ذرائع دے مطابق الیکشن کمیشن سیکرٹریٹ نے معاملہ الیکشن کمیشن دے ساہمنے رکھ دتا اے۔