آئی ایم ایف دا کورونا وائرس توں متاثرہ ملکاں نوں 10کھرب ڈالر قرضہ دین دا فیصلہ

نیو ہیمپشائر: عالمی مالیاتی فنڈ نے کورونا وائرس توں متاثرہ تے ایہدی وجہ توں معاشی مشکلاں دے شکار ملکاں نوں 10کھرب ڈالر تک قرضہ صفر شرح سود تے دین دا اعلان کیتا اے۔ عالمی خبر رساں ادارے دے مطابق آئی ایم ایف دی منیجنگ ڈائریکٹر کرسٹالینا جورجیفا نے رکن ملکاں نوں کورونا وائرس نال نبڑن تے معیشت دی بحالی لئی 10کھرب ڈالر تک دا قرضہ دین تے رضا مندی دا اظہار کردیاں دسیا ایہ قرضہ صفر شرح سود تے ابھردی تے ترقی پذیر معیشتاں نوں 50ارب ڈالر جد کہ گھٹ آمدنی والے رکن ملکاں نوں 10ارب ڈالر تک دتا جاوے گا۔ منیجنگ ڈائریکٹر کرسٹالینا جورجیفا نے ہور آکھیا 20ملکاں نے قرضیاں لئی دلچسپی دا اظہار کیتا اے تے ساڈی کوشش اے کورونا وائرس نال متاثرہ ملکاں نوں ترجیحی بنیاد اُتے تے تیز رفتاری نال بغیر سود قرضے جاری کیتے جان گے تاں جے معاشی بحران دے شکار تے مالی مدد دے حق دار ملکاں نوں اپنے امور چلان لئی کجھ سہارا مل سکے۔