صوبے وچ کوئی کرفیو نہیں لاواں گے: وزیراعلیٰ خیبر پختونخوا محمود خان

پشاور: وزیراعلیٰ خیبر پختونخوا محمود خان آکھیا اے صوبے وچ کوئی کرفیو نہیں لاواں گے، تعلیمی اداریاں وچ چھٹیاں گھمن پھرن لئی نہیں دتیاں سگوں محدود رہن لئی دتیاں نیں۔

وزیراعلیٰ خیبر پختونخوا نے پریس کانفرنس نال خطاب کردیاں آکھیا ساری وڈیاں مارکیٹاں صبح 10وجے توں شام 7وجے تک کھلی رہن گیاں، بیوٹی پارلر تے حجام دی دکاناں 15دناں لئی بند کر دتی، سرکاری دفاتر وچ دن 12وجے چھٹی ہووے گی، میڈیکل سٹور، کریانے تے راشن دی دکاناں 24گھنٹے کھلی ہون گیاں، سرکاری اجلاساں وچ صرف 5بندے شریک ہو سکن گے۔

بعدوں صوبائی وزیر صحت تیمور سلیم جھگڑا دا کہنا سی صوبہ وچ کرونا دے ہور تن کیسز ساہمنے آئے نیں، جہدے بعد صوبہ وچ کرونا کیساں دی تعداد 19ہو گئی اے، کرونا دا اک کیس مردان وچ آیا اے، متاثرہ بندہ سعودی توں واپس آیا سی، کرونا دا دوجا کیس ہنگو ٹل توں آیا اے جد کہ تیجا کیس بونیر توں اے جہڑا شارجہ توں واپس آیا سی۔