کورونا وائرس دے باوجود پی ایس ایل کامیاب رہی: ڈیرن سیمی

لہور: پشاور زلمی دے ہیڈ کوچ ڈیرن سیمی دا کہنا اے کورونا وائرس دے باوجود پاکستان وچ ہون والی پی ایس ایل کامیاب ترین لیگ ثابت ہوئی۔

پچھلے دیہاڑ پاکستان کرکٹ بورڈ ولوں پی ایس ایل دی منسوخی دے اعلان دے بعد غیر ملکی کھڈاریاں دا وطن واپسی دا سلسلہ جاری اے، ویسٹ انڈیز دے سابق کپتان تے پشاور زلمی دے ہیڈ کوچ ڈیرن سیمی وی وطن واپس ٹُر گئے پر واپسی توں پہلاں اوہناں نے پاکستانیاں دے ناں اک پیغام جاری کیتا۔

سماجی رابطے دی ویب سائٹ تے ٹوئٹ کردیاں پشاور زلمی دے سابق کپتان ڈیرن سیمی آکھیا کورونا وائرس دے باوجود پہلی واری پاکستان وچ ہون والی پی ایس ایل کامیاب ترین لیگ ثابت ہوئی، میں پشاور زلمی فیملی دا اک واری فیر شکریہ ادا کرنا چاہناآں۔ ڈیرن سیمی نے پاکستانیاں توں درخواست کیتی اوہ وائرس توں اپنی حفاظت کرن تے تہاڈے نال فیر ملاقات ہووے گی۔