پاکستان نے واہگہ بارڈر 14دناں لئی بند کر دتا، وزارت داخلہ دا نوٹیفکیشن جاری

اسلام آباد: پاکستان نے کورونا وائرس دا پھیلاؤ روکن لئی بھارت دے نال ملحقہ واہگہ بارڈر 2ہفتیاں لئی بند کر دتا، جاری کیتے نوٹیفکیشن وچ آکھیا گیا اے بارڈر دی بندش پاکستان تے بھارت دوواں دے مفاد وچ ا ے۔

پاکستان نے کورونا وائرس دی وباء دے پیش نظر پاکستان رینجرز نوں واہگہ سرحد بند کرن دی ہدایتاں جاری کر دتیاں۔

وزارت داخلہ دے نوٹیفکیشن دے مطابق ابتدائی طور تے واہگہ بارڈر نوں 2ہفتے لئی بند کیتا گیا اے۔

واضح رہوے ایس توں پہلاں واہگہ بارڈر پاک بھارت کشیدہ تعلقات پاروں پچھلے ورھے بند کیتا گیا سی تے بھارت دے نال سارے سفارتی تعلقات وی منقطع کر دتے گئے سن۔