ہنگامہ آرائی کرن والیاں دے خلاف کاروائی ہونی چاہیدی اے: اعتزاز احسن

لہور: اعتزاز احسن آکھیا اے وکیلاں توں اجہے حملے دی توقع نہیں کیتی جا سکدی، ہنگامہ آرائی کرن والیاں دے خلاف کاروائی ہونی چاہیدی اے۔

قنون دان اعتزاز احسن نے میڈیا نال گل کردیاں آکھیا پی آئی سی دے باہر ہون والا واقعہ افسوسناک اے، وکلاء تحریک دے دوران اک پتہ وی نہیں ٹُٹیا سی، پچھلے واقعات تے ایکشن لیا جاندا تے اج ایہ نہ ہوندا۔

وکیلاں نوں چاہیدا سی فیاض الحسن چوہان نوں تحفظ دیندے، اج سر شرم نال جھکیا ہویا اے۔

اعتزاز احسن دا کہنا سی معاملات مل بیٹھ کے حل ہونے چاہیدے نیں، اسیں وکلاء تحریک چلائی تے عوام نوں شامل کیتا۔