لہور ہائیکورٹ نے نویں حلقہ بندیاں تے عملدرآمد روک دتا

لہور: لہور ہائیکورٹ نے نویں حلقہ بندیاں تے عملدرآمد روکدیاں ہوئیاں پنجاب حکومت، ڈی سی تے اے سی سیالکوٹ توں جواب طلب کر لیا اے۔

جسٹس ساجد محمود سیٹھی نے محمد نواز دی عرضی تے سماعت کیتی۔ درخواست گزار ولوں صفدر شاہین پیرزادہ عدالت وچ پیش ہوئے۔

عرضی وچ موقف اختیار کیتا گیا حکومت نے غیر قنونی طور تے، تے اپنے نمائندیاں نوں نوازن لئی نویں حلقہ بندیاں کیتیاں۔ عرضی وچ آکھیا گیا غلط حلقہ بندیاں دی وجہ توں دیہی علاقیاں نوں شہری علاقیاں وچ شامل کر دتا گیا اے، عدالت نویں حلقہ بندیاں دے فیصلے نوں کالعدم قرار دیوے۔