وزیراعظم دا بے نظیر انکم سپورٹ پروگرام توں فائدہ چُکن والے افسراں دے ناں ظاہر کرن دا حکم

اسلام آباد: وزیراعظم عمران خان نے بے نظیر انکم سپورٹ پروگرام توں فائدہ چُکن والے سرکاری افسراں دے ناں عوام دے ساہمنے ظاہر کرن دا حکم دے دتا۔

بے نظیر انکم سپورٹ پروگرام وچ فراڈ کرن والے سرکاری افسراں دے خلاف کاروائی شروع کر دتی گئی۔ پروگرام توں کڈھے گئے سرکاری افسراں دی رپورٹ وزیراعظم نوں پیش کیتی گئی۔ عمران خان نے برہمی دا اظہار کردیاں ملوث سرکاری افسراں دے ناں منظرعام تے لیان دا حکم دتا اے۔

وزیراعظم دا کہنا اے غریباں دا حق لٹن والیاں نوں چھوٹ نہیں دے سکدے۔ خیال رہوے گریڈ 17توں 21دے 2543افسراں نوں بی آئی ایس پی دے مستحقین دی فہرست توں کڈھیا گیا سی۔