وزیراعظم عمران خان دا آزاد کشمیر دا دورہ، برفانی طوفان وچ زخمی بندیاں دی عیادت

مظفر آباد: وزیراعظم عمران خان نے آزاد کشمیر دا دورہ کیتا جتھے اوہناں نے برفانی تودے ڈگن نال زخمی ہون والے بندیاں نال ہسپتال وچ ملاقات کیتی۔ وزیراعظم عمران خان اپنی ساری مصروفیات چھڈ کے آزاد کشمیر دے دورے تے اپڑ گئے۔

اوہناں نے سی ایم ایچ مظفر آباد وچ زخمیاں دی عیادت کیتی۔وزیراعظم نوں وادی نیلم وچ شدید برف باری نا ہون والے جانی و مالی نقصان تے بریفنگ دتی گئی۔ ایس موقع تے آزاد کشمیر دے وزیراعظم تے صدر وی اوہناں دی نال سن۔

عمران خان نے نیشنل ڈیزاسٹر مینجمنٹ اتھارٹی نوں حالیہ قدرتی آفت نال متاثرہ بندیاں نوں ہر ممکن مدد فراہم کرن دی ہدایت کیتی۔ واضح رہوے وادی نیلم وچ برفانی تودے ڈگن نال جاں بحق بندیاں دی تعداد76ہو گئی اے۔