انسداد منشیات فورس نے رانا ثنا دی ضمانت سپریم کورٹ وچ چیلنج کر دتی

اسلام آباد: اے این ایف نے لہور ہائی کورٹ دے فیصلے دے خلاف سپریم کورٹ نال رجوع کر لیا۔ انسداد منشیات فورس نے رانا ثنا دی ضمانت سپریم کورٹ وچ چیلنج کر دتی۔ رانا ثنا ء دی ضمانت دے خلاف درخواست سپریم کورٹ وچ دائر کیتی گئی جہدے وچ موقف اپنایا گیا لہور ہائی کورٹ دا ضمانت دا فیصلہ کالعدم قرار دتا جاوے، لہور ہائی کورٹ نے حقائق دا ٹھیک جائزہ نہیں لیا، رانا ثناء دی ضمانت منسوخ کیتی جاوے۔

دوجے پاسے ڈی جی اے این ایف میجر جنرل عارف آکھیا کیہ کوئی گرفتار ہون والا بندہ کہندا اے میں گناہ گار آں، سرعام قتل کرن والے نے کدی آکھیا میں مجرم آں، معاملہ عدالت وچ اے رانا ثناء اوتھے ثبوت دین، رانا ثناء تے شہریار آفریدی دوواں نے حلف لے رکھیا اے، دوواں لاٹری کڈھ لین، ایہدے وچوں نکل آوے گا کون گناہ گار اے۔