پچھلی سرکار پاکستان نوں دیوالیہ ہون دے قریب چھڈ کے گئی: مراد سعید

اسلام آباد: وفاقی وزیر مواصلات مراد سعید آکھیا اے پچھلی حکومتاں ملکی معیشت نوں تباہی دے دہانے تے چھڈ کے گئیاں جد کہ ن لیگ دی حکومت نے ملک نوں دیوالیہ ہون دے قریب چھڈیا۔ اسلام آباد وچ اک تقریب نال خطاب کردیاں اوہناں دا کہنا سی ماضی دیاں حکومتاں نے موٹرویز تے اہم اداریاں نوں گروی تے رکھیا پر ساڈا مشن خسارہ ختم کرکے اداریاں نوں اپنے پیراں تے کھڑا کرنا اے۔

پچھلے 16مہینے دے دوران این ایچ کے اے دے ریونیو وچ 25ارب روپے توں ودھ دا وادھا کیتا۔ مراد سعید آکھیا اصل لیڈر آن والی نسلاں دا سوچدا اے الیکشن دا نہیں، گرین اینڈ کلین پاکستان وزیراعظم عمران خان دا ویژن اے۔ تحریک انصاف کلین اینڈ گرین پاکستان لئی عملی اقدامات کر رہی اے۔

بلین ٹری منصوبے نوں دنیا وچ سراہیا گیا اے۔ وفاقی وزیر دا کہنا سی اسیں اپنے نوجواناں نوں روزگار دے مواقع فراہم کرنے آں تے پاکستان نوں فلاحی ریاست بنانا اے۔ 2020ء پاکستان دی ترقی، خوشحالی، اداریاں دی بحالی تے مہنگائی ختم کرن دا سال اے۔ اسیں ملکی معیشت نوں استحکام ول گامزن کر دتا اے۔