نیب نے عدم شواہد دی بنیاد تے زلفی بخاری دے خلاف انکوائری بند کر دتی

اسلام آباد: قومی احتساب بیورو (نیب) نے وزیراعظم عمران خان دے معاون خصوصی زلفی بخاری دے خلاف انکوائری عدم شواہد دی بنیاد تے بند کر دتی اے۔

نیب ترجمان ولوں جاری بیان وچ آکھیا گیا اے زلفی بخاری دے خلاف آف شور کمپنی دی تحقیقات کیتی گئی پر عدم شواہد دی بنیاد تے ہن اوہنوں بند کر دتا گیا اے۔

اودھر نیب نے توشہ خانے توں تحائف دیاں گڈیاں اونے پونے تقسیم کرن دے الزام وچ سابق صدر آصف زرداری ، سابق وزرائے اعظم نوازشریف تے یوسف رضا گیلانی دے خلاف ریفرنس دائر کرن دی منظوری دے دتی اے۔

ایہ فیصلہ چیئرمین نیب دی زیر صدارت ایگزیکٹو بورڈ دے اجلاس وچ کیتا گیا۔ نیب نے ریفرنس دی منظوری دیندیاں آکھیا اے توشہ خانہ گڈیاں دے ریفرنس وچ 2سابق وزرائے اعظم تے سابق صدر ملزم نوں نامزد کر دتا گیا اے۔ ملزمان نے توشہ خانہ توں تحائف دیاں گڈیاں اونے پونے ریٹ تے تقسیم کیتیاں۔ خیال رہوے کہ نیب ولوں توشہ خانہ دی گڈیاں بارے نوازشریف تے یوسف رضا گیلانی توں پوچھ گچھ کیتی جا چکی اے۔