حکومتی پالیسی پاروں نجی یونیورسٹیاں نوں تالے لگ گئے: عمران مسعود

لہور: ترجمان پرائیویٹ سیکٹر یونیورسٹی عمران مسعود آکھیا اے حکومتی پالیسیاں پاروں نجی یونیورسٹیاں نوں تالے لگ گئے، طلبا دا سب توں وڈا مسئلہ یونیورسٹیاں تک رسائی اے۔

عمران مسعود نے پریس کانفرنس کردیاں آکھیا مہنگائی عروج تے چلی گئی، عوام نوں مشکلاں نیں، پاکستان وچ 9فیصد بچے سکول جاندے نیں، حیران آں وزیراعظم نوں نہیں پتہ پنجاب وچ کیہ ہو رہیا اے، اعلیٰ تعلیم تک رسائی 7فیصد تک رہ گئی، ہائر ایجوکیشن نوں ترجیح دتی جاوے، سانوں تعلیم دے شعبے نوں مضبوط بنانا اے۔

عمران مسعود دا کہنا سی پنجاب وچ 55سرکاری، 25پرائیویٹ یونیورسٹیاں نیں، ٹریول تے ریسرچ دے حوالے نال گرانٹ بند کر دتی گئی، حکومت مستحق طلباء نوں وظیفہ فراہم کرے، پنجاب یونیورسٹی دا بجٹ 7ارب روپے اے۔