مننا آں آٹا، چینی مہنگا ہون وچ ساڈی کوتاہی اے: وزیراعظم

لہور: وزیراعظم عمران خان نے منیا اے کہ آٹا، چینی مہنگا ہون وچ سرکار دی کوتاہی اے۔ وزیراعظم عمران خان نے لہور وچ صحت انصاف کارڈ ونڈن دی تقریب نال خطاب کردیاں آکھیا ایہ نہیں آکھیا کہ پاکستان نوں ایشین ٹائیگر بناواں گے، میں آکھیا سی پاکستان نوں ریاست مدینہ دے اصولاں تے فلاحی ریاست بناواں گے، منصوبہ بندی دے تحت حکومت دے خلاف مہم چلائی جا رہی اے تے پلان کرکے تاثر دتا جا رہیا اے ملک وچ صورتحال ٹھیک نہیں، ہر گل تے دوجا سوال ایہ پچھیا جاندا اے کہ کتھے اے نواں پاکستان؟ عمران خان آکھیا روپے دی قدر ڈگن نال گھیو دی قیمت وچ وادھا ہویا، سب پتہ چل گیا اے کیہنے مہنگائی کرکے فائدہ چکیا، آٹا چینی مہنگا ہون وچ ساڈی کوتاہی اے ایہ میں مننا آں انکوائری ہو رہی اے، مہنگائی نال پیسہ بنان والیاں نوں نہیں چھڈاں گے۔

اوہناں آکھیا اصلاحات دے تحت ہسپتالاں وچ انتظامی تبدیلیاں لے کے آ رہے آں، پر افسوس اے کجھ لوک ہسپتالاں وچ اصلاحات لیان دے مخالف نیں۔