غیر ملکی طیارے دی پاکستانی حدود وچ بغیر اجازت انٹری، وارننگ دے کے واپس بھجا دتا

کراچی: کراچی دے نیڑے غیر ملکی طیارہ پاکستان دی فضائی حدود وچ بغیر اجازت داخل ہو گیا، سول ایوی ایشن اتھارٹی نے ویلے سر کاروائی کردیاں طیارے نوں واپس جان تے مجبور کر دتا۔ دسیا گیا اے پاکستانی ایئر ٹریفک کنٹرول حکام نے طیارے توں پاکستان وچ داخلے دا اجازت نامہ تے کوڈ طلب کیتا جہدے تے غیر ملکی پائلٹ نے اجازت نامہ تے کوڈ دسن توں انکار کر دتا۔ طیارہ مسقط توں ہوندا ہویا کراچی ریجن وچ داخل ہویا سی، ایئر ٹریفک کنٹرولر نے وارننگ دتی جہدے تے طیارے نوں واپس جانا پیا۔ سول ایوی ایشن نے بغیر اجازت داخل ہون دی فوری اطلاع اعلیٰ حکام نوں دے دتی۔

اپنا تبصرہ گھلو