سانوں طعنہ نہ دیو‘ نوازشریف نوں بار جان دی اجازت وزیراعظم نے خود دتی، چیف جسٹس

اسلام آباد(بیورو رپورٹ) چیف جسٹس آصف سعید کھوسہ داآکھنا اے کہ سانوں طعنہ نہ دیو‘ نوازشریف نوں بار جان دی اجازت وزیراعظم عمران خان نے خود دتی۔ہائیکورٹ نے صرف جزویات طے کیتیاں۔ چیف جسٹس آصف سعید کھوسہ نے وزیراعظم دا عدلیہ توں متعلق بیان اتے جواب دیندیاں ہویاںآکھیااے کہ وزیراعظم نے جس کیس دا طعنہ دتا ایہدے اتے گل نہیں کرناچاہندا۔ ججزاتے تنقید تے طاقتور دا طعنہ سانو نہ دیو۔ ججز اتے اعتراض کرن والے تھوڑی احتیاط دے نال کم لین۔

نوازشریف نوں بار جان دی اجازت وزیراعظم نے خود دتی، چیف جسٹس دا مزیدآکھا اے کہ اج دی عدلیہ دا تقبالی جائزہ 2009 توں پہلاں والی عدلیہ دے نال نہ کرو۔

ساڈے ساہمنے طاقتور صرف قانون اے‘ اک وزیراعظم نوں اسیں سزا دتی دوجے نوں نااہل کیتا تے پچھلے آرمی چیف دے مقدمے دا فیصلہ ہون جارہیا اے۔

کوئٹہ دے کیس دا تن ماہ وچ سپریم کورٹ توں فیصلہ ہویا۔ وزیراعظم نے طاقتور تے کمزور دی وی گل کیتی ہن سانوں وسائل دی کمی محسوس ہو رہی سی، وزیراعظم جدوں وسائل دین گے تے مزید چنگے نتائج ساہمنے آن گے۔ محترم وزیراعظم نے دو دن پہلاں خوش آئند اعلان کیتا کہ عدلیہ نوں وسائل دیاں گے۔

اپنا تبصرہ گھلو