کورونا گھٹ نہیں ہویا، 2ہفتے داسخت ترین لاک ڈاؤن کیتا جائے: طبی تنظیماں

لہور: شعبہ طب نال تعلق رکھن والیاں نے آکھیا کہ ملک اندر کورانا گھٹیا نئیں،لاک ڈاؤن سخت کرن نال مریضاں دی تعداد گھٹ رہیی اے،حکومت عالمی ادارہ صحت ولوں گھلی جاون والی ہدایت دے مطابق گھٹ توں گھٹ دو ہفتے دا سخت ترین لاک ڈاؤن کیتا جائے تا کہ اس بیماری دے پھیلاؤ اندر کمی آسکے،ایس حوالے نال لہور پریس کلب اندر پاکستان اسلامک میڈیکل ایسوسی ایشن ، پاکستان میڈیکل ایسوسی ایشن تے ینگ ڈاکٹر ز ایسوسی ایشن سمیت ہوراں تنظیماں دے وڈے بندیاں دا اکٹھ ہویا صدر پاکستان اسلامک میڈیکل ایسوسی ایشن پروفیسر محمد افضل میاں، صدر پاکستان میڈیکل ایسوسی ایشن لہور پروفیسر محمد اشرف نظامی،صدر پاکستان اکیڈمی آف فزیشن ڈاکٹر طارق میاں تے نمائندہ ینگ ڈاکٹرز ایسوسی ایشن پنجاب ڈاکٹر جعفر نے ایس پریس کانفرنس اندر موجود سن صدر پیما پروفیسر افضل میاں نے آکھیا کہ کجھ علاقیاں نوں سمارٹ لاک ڈاون کیتا گیا لیکن اوتھے کوئی لاک ڈاؤن نظر نہیں آیا تے شہری وی ماسک دی پابندی نئیں کر رہیے
حکومت اسمارٹ لاک داؤن تے ماسک پہنن دے فیصلے اُتے عمل کروائے ،سمارٹ لاک ڈاؤن دا کوئی فائدہ نئیں،حکومت ایمرجنسی دا اعلان کر کے عالمی اداری صحت دے اعلان دے مطابق گھٹ توں گھٹ 2 ہفتے دا مکمل تے سخت ترین لاک ڈاون کرے ،اصل وچ کورونا دے مریض گھٹ نئیں ہوئے بلکہ حکومت ولوں کورونا دے ٹیسٹاں دی تعداد اندر کمی کیتی گئی اے جس دی وجہ نال مریض گھٹ معلوم ہو رہیے نئیں جد تک حکومت کل آبادی دے 2 فیصد دی رینڈم ٹیسٹنگ نہیں کردی اُتنی دیر تک اصل صورت حال ساہمنے نئیں آئے گی۔