مقبوضہ کشمیر وچ بھارتی جارحیت نال ہور 2کشمیری نوجوان شہید

سری نگر: ضلع سوپور تے رجوری وچ سرچ آپریشن دی آڑ وچ اک وار فیر 2کشمیری نوجواناں نوں شہید کر دتا گیا اے۔ کشمیر میڈیا سروس دے مطابق مقبوضہ کشمیر دے ضلع سوپور تے راجوڑی وچ اک وار فیر بھارتی فورسز نے نام نہاد آپریشن دی آڑ وچ 2نوجواناں نوں شہید کر دتا۔ ضلع سوپور وچ قابض بھارتی فورسز نے فائرنگ کرکے شہری نوں اوہدے تن سالہ پتر دے ساہمنے بے دردی نال شہید کیتا۔ دوجے پاسے کشمیر میڈیا سروس ولوں جاری کیتی گئی رپورٹ دے مطابق پچھلے مہینے جون وچ بھارتی فورسز نے وکھو وکھ سرچ آپریشنز دے دوران 54کشمیریاں نوں شہید کیتا تے پرامن مظاہریاں دے دوران 29شہری بھارتی فورسز ولوں فائرنگ، چھریاں تے آنسو گیس نال زخمی ہوئے۔ قابض بھارتی فورسز ولوں 567نام نہاد سرچ آپریشن دے دوران وکھو وکھ علاقیاں توں 82بندیاں نوں گرفتار کیتا گیا جہناں وچ اک عمر رسیدہ خاتون وی شامل سی جد کہ تن عورتاں نوںجنسی طور تے ہراساں وی کیتا گیا۔

اپنا تبصرہ گھلو