بھارت سلامتی کونسل دا کراچی حملے اُتے مذمتی بیان رکوان وچ نکام

نیو یارک: بھارت اقوام متحدہ دی سلامتی کونسل ولوں کراچی اندر پاکستان اسٹاک ایکسچینج حملے اُتے مذمتی بیان رکوان وچ ناکام ہو گیا ،سلامتی کونسل دے بیان اندر حملے دی مذمت کردیاں ہویا دہشتگردی اندر ملوث عناصر ، اوہناں دے سہولت کاراں ، معاونین تے حامیاں نوں قانون دے شکنجے اندر لیاون دی ضرورت اُتے پُر زور بیان دتا گیا ، بیان دا مطالبہ چین نے کیتا سی ،اقوام متحدہ دی سلامتی کونسل اندر بھارتی سفارکاری نوں منہ دی کھانی پے گئی ، مودی حکو مت نے ہزار جتن تے کوششاں دے باوجود اقوام متحدہ دی سلامتی کونسل ولوں پاکستان سٹاک ایکسچینج اُتے دہشت گردی دی شدید مذمت کیتی ،سلامتی کونسل دے سب ارکان نے متفقہ طور تے ایس مذمتی بیان دی حمایت کیتی تے پاکستان نال اظہار یکجہتی کیتی،جاری کردہ بیان اندر شہیداں دے گھر والیاں نال اظہار ہمدردی ، دہشتگردی ، سہولت کار، معاونین تے حامیاں نوں قانون دے شکنجے اندر لیاون دی ضرورت اُتے وی زور دتا،بھارت منفی سفارتکاری دے باوجود سیکرٹری جنرل ، صدرجنرل اسمبلی تے کئی ممالک پہلاں ای شدیدمذمتی بیان جاری کر چکے نیں ، ایس بیان توں ہندوستانی میڈیا دا جھوٹ وی بے نقاب ہو گیا تے سلامتی کونسل دی ایس معاملے اُتے خموشی دا پرو پیگنڈا کر رہیا سی ،پاکستان واضح طور تے اے کہہ چکیا اے کہ کراچی دہشتگردی دے واقع اندر بھارتی خفیہ ادارے ملوث نیں ۔ سلامتی کونسل ولوں مذمتی بیان عالمی برادری ولوں پاکستان دی انسداد دہشتگردی حکمت عملی دی تائید دا ثبوت اے ۔