پارٹی وچ کوئی وزیراعظم عمران خان دا متبادل نہیں ہو سکدا: گورنر پنجاب

لہور: گورنر پنجاب چودھری سرور آکھیا اے پارٹی وچ کدی کوئی وزیراعظم عمران خان دا متبادل نہیں ہو سکدا، جدوں جدوں تحریک انصاف دی حکومت آئے گی عمران خان ای وزیراعظم ہون گے۔گورنر پنجاب چودھری سرور نال تحریک انصاف دے ایم این اے صداقت عباسی نے گورنر ہاؤس وچ ملاقات کیتی۔ ایس موقع تے گل کردیاں گورنر پنجاب دا کہنا سی تحریک انصاف دا لیڈر تے وزیراعظم صرف عمران خان اے، ملک نوں معاشی سنے دوجے مسئلیاں توں نجات دوان لئی عملی اقدامات کر رہے آں۔ چودھری سرور آکھیا اتحادیاں نے بجٹ وچ سرکار دا ساتھ دتا، کوئی اتحادی حکومت ڈیگن دی گل نہیں کر رہیا، کرپشن کرن والیاں دا تعلق کسے وی جماعت نال ہووے ، احتساب توں بچ نہیں سکن گے۔ اوہناں دا کہنا سی عوام نے سانوں پنج ورھے حکومت کرن دا مینڈیٹ دتا ے، پاکستان پہلی واری شفافیت تے میرٹ دے مطابق سارے فیصلے کیتے جا رہے نیں، بلاتفریق تے شفاف احتساب ملکی ترقی تے خوشحالی لئی لازم اے۔