صادق آباد: کار الٹن نال اگ لگ گئی، حادثے وچ ماں تے 3بچے جاں بحق

صادق آباد: صادق آباد دے نیڑے موٹروے تے کار الٹن نال اگ لگ گئی، حادثے وچ ماں تے تن بچے جاں بحق جد کہ پیو شدید زخمی ہو گیا۔ صادق آباد دے نیڑے سکھر جان والی کار ڈرائیور نوں اونگ آن توں الٹ گئی، حادثے دے بعد گڈی دا سی این جی سلنڈر پھٹن نال اگ لگ گئی جہدے نال ماں تے تن بچے سڑ گئے جد کہ پیو زخمی ہو گیا۔ ریسکیو نے لاشاں تے زخمیاں نوں تحصیل ہیڈ کوارٹر ہسپتال صادق آباد منتقل کر دتا۔