موتاں گھٹ گیاں ، اک دن وچ10مریض اللہ نوں پیارے ہو گئے

اسلام آباد ( بھلیکھا ٹی وی ) کورونا دا زور ٹُٹ گیا ، موتاں گھٹ گیاں ، مہلک وائرس نے10مریضاں دی جان لے لئی ، جس توں بعدموتاں دی تعداد6ہزار 139ہو گئی ،پاکستان وچ کورونا دے تصدیق شدہ مریضاں دی تعداد2لکھ86ہزار674ہو گئی ۔نیشنل کمانڈ اینڈ آپریشن سینٹر دے تازہ ترین اعداد شمار دے مطابق پچھلے24گھنٹے دے دوران 753نویے مریض ساہمنے آئے ، پنجاب وچ94ہزار865، سندھ وچ1لکھ24ہزار929، خیبر پختونخوا وچ34ہزار947، بلو چستان وچ12ہزار44، گلگت بلتستان وچ2ہزار402، اسلام آباد وچ15ہزار323جد کہ آزاد کشمیر وچ2ہزار164مریض ساہمنے آئے ۔پورے ملک وچ ہن تک 22لکھ5ہزار664لوکاں دے ٹیسٹ کیتے گئے ، پچھلے24گھنٹے دے دوران19ہزار221نویے ٹیسٹ کیتے گئے ، ہن تک2لکھ64ہزار60مریض صحتیاب ہو چکے نیں جد کہ 783مریضاں دی حالت تشویش ناک اے ۔پنجاب وچ 2 ہزار 179، سندھ وچ 2 ہزار 297، خیبر پختونخوا وچ اک ہزار 235، اسلام آباد وچ 173، بلوچستان وچ 138، گلگت بلتستان وچ 58تے آزاد کشمیر وچ59 مریض جان توں ہتھ دھو بیٹھے نیں ۔