کراچی دی آبادی دے معاملے تے اعداد و شمار وچ دھاندلی کیتی گئی اے: خالد مقبول صدیقی

کراچی: متحدہ قومی موومنٹ پاکستان دے کنونیئر ڈاکٹر خالد محمود صدیقی دا کہنا اے کراچی دی آبادی دے معاملے تے اعداد و شمار وچ دھاندلی کیتی گئی اے۔ کراچی وچ پریس کانفرنس دے دوران ایم کیو ایم پاکستان دے کنونیئر ڈاکٹر خالد محمود صدیقی آکھیا کراچی نوں منی پاکستان آکھیا جاندا اے، پاکستان وچ ٹیکس دین والیاں وچوں 83فیصد دکاندار کراچی دے نیں، ایہ آکھیا جاندا اے کہ کراچی وچ پشتون، پنجابی تے بلوچ زیادہ نیں پر سندھ دے شہری علاقیاں نال امتیازی سلوک ہوندا رہیا، کوٹہ سسٹم دی ونڈ صرف صوبہ سندھ لئی اے۔ کجھ اجہی ناانصافیاں نیں جو جرائم دی حیثیت رکھدیاں نیں، مردم شماری سنے کئی مقدمات اعلیٰ عدالتاں وچ سسک رہے نیں، جتھے آبادی نہیں اوتھے مردم شماری وچ ووٹرز دسے گئے نیں۔