شہباز شریف نوں اورنج لائن میٹرو دی افتتاحی تقریب وچ رلت دی دعوت

پنجاب دے وزیر ٹرانسپورٹ جہانزیب خان کھچی نے اورنج لائن میٹرو ٹرین دی افتتاحی تقریب لئی مسلم لیگ (ن) دے صدر شہباز شریف نوں رلت دی دعوت دے دتی۔

وزیر ٹرانسپورٹ پنجاب جہانزیب خان کھچی دا میڈیا نال گل کردیاں کہنا سی اورنج لائن میٹرو ٹرین دا منصوبہ شہباز شریف دا سی ایس لئی ایہناں نوں افتتاحی تقریب وچ رلت دی دعوت دینا آں۔

جہانزیب کھچی آکھیا پی ٹی آئی حکومت نے روایات دے برعکس منصوبہ مکمل کیتا، ہن ٹرین چلے گی۔ صحافی ولوں شہباز شریف دی آمد تے گرفتاری بارے سوال دا جواب دیندیاں جہانزیب کھچی دا کہنا سی شہباز شریف ساڈے پروہنے ہون گے، کوئی ادارہ گرفتار کر لوے تے میرا کوئی تعلق نہیں۔