کراچی وچ کرنٹ لگن نال ہلاکتاں، کے الیکٹرک نوں 5کروڑ جرمانہ لاگو

اسلام آباد: نیپرا نے کے الیکٹرک نوں کراچی وچ کرنٹ لگن نال ہون والیاں ہلاکتاں دا ذمہ دار ٹھہراندیاں ہوئیاں 5کروڑ روپے دا بھاری جرمانہ لاگو کر دتا۔

نیپرا اتھارٹی ولوں فیصلے وچ آکھیا گیا اے کراچی وچ بارشاں دے دوران کرنٹ لگن دے کئی واقعات ہوئے تے ایہناں وچ قیمتی جاناں ضائع ہوئیاں، ہلاکتاں دی ذمہ دار کے الیکٹرک اے، ایس لئی ایہنوں 5کروڑ روپے جرمانہ کیتا جاندا اے، کے الیکٹرک جاں بحق بندیاں دے لواحقین نوں معاوضہ ادا کرن دی وی پابندی اے۔ فیصلے وچ آکھیا گیا اے کے الیکٹرک صارفین نوں بلاتعطل تے محفوظ بجلی فراہم کرن وچ نکام رہیا اے، کے الیکٹرک اپریل 2020تک بجلی دا ترسیلی نظام بہتر کرے۔

واضح رہوے ایس ورھے جولائی تے اگست وچ بارشاں دے دوران کرنٹ لگن دے واقعات وچ 19بندے جان توں ہتھ دھو بیٹھے سن۔