مقبوضہ کشمیر وچ بنیادی انسانی حقوق دی پامالی عروج اُتے اے: شاہ محمود

اسلام آباد: شاہ محمود قریشی آکھیا اے بھارت ولوں مقبوضہ کشمیر وچ بنیادی انسانی حقوق دی پامالی عروج اُتے اے، عالمی برادری اقوام متحدہ دیاں قرارداداں دے مطابق مسئلہ کشمیر دے حل وچ اپنا کردار ادا کرے۔

انسانی حقوق دے عالمی دیہاڑ دے حوالے نال وزیر خارجہ شاہ محمود قریشی نے اپنے پیغام وچ آکھیا اقوام عالم دی توجہ مقبوضہ کشمیر وچ جاری انسانی حقوق دی پامالیاں ول کرانا چاہنا آں، نہتے 80لکھ کشمیری پچھلے 127دناں توں بدترین کرفیو دا ساہمنا کر رہے نیں۔

شاہ محمود قریشی دا کہنا سی مقبوضہ کشمیر وچ ذرائع مواصلات تے پابندی بدستور جاری اے، ذرائع مواصلات تے پابندی دراصل حقائق نوں دنیا دیاں نظراں توں اوجھل رکھن لئی اے، اج دے دیہاڑ 80لکھ کشمیری بھارتی ظلم توں نجات لئی عالمی اداریاں ول ویکھ رہے نیں۔